Sulmuesi shqiptar, Rey Manaj, ka shënuar gol ndaj gjigantit turk Besiktas, për t’i dhënë avantazhin prej 1-0 ekipit të tij Sivassporit.
Ndeshja mes Sivassporit dhe Besiktasit po zhvillohet në kuadër të xhiros së 23-të të elitës së futbollit turk.
Po luhej minuta e gjashtë e takimit kur Manaj pranoi një top nga bashkëlojtari i tij Emrah Bassan, për të shënuar për 1-0.
26-vjeçari po kalon momentet më të mira në karrierë dhe javë pas jave po dëshmon se forma e tij nuk është thjesht një rastësi.
Me këtë gol të shënuar tani Manaj ka kapur shifrën e 11 golave të shënuar në Superligën e Turqisë.
Kjo formë e tij e jashtëzakonshme është një sinjal i mirë edhe për kombëtaren e Shqipërisë, teksa po i afrohemi Kampionatit Evropian 2024, por edhe një ‘kokëdhembje’ për përzgjedhësin Sylvinho duke marrë parasysh se shumë prej sulmuesve të Shqipërisë po gëzojnë formë të lartë.
Në rast fitoreje, Sivasspori do të pozicionohej në mes të tabelës, më saktësisht në pozitën e dhjetë./Telegrafi/
Rey Manaj scored. Big mistake from goalkeeper Ersin Destanoğlu
Sivasspor 1-0 Besiktaspic.twitter.com/Kp3ccYn7Vk
— FootColic ⚽️ (@FootColic) January 28, 2024
