Duket se arratia mbi 20 vjeçare për një shtetas shqiptar në Itali ka marrë fund.
40-vjeçari shqiptar ra në prangat e policisë italiane, duke qenë në kërkim ndërkombëtar që prej vitit 2000.
Ai akuzohet se ka kryer grabitje dhe ka vrarë një person në Shqipëri, e më pas është zhdukur.
Sipas medieve italiane 40-vjeçari ishte dënuar nga Gjykata e Tiranës me 25 vite burg për vrasje, armëmbajtje pa leje dhe grabitje.
Ansa shkruan se shqiptari fshihej në Itali për 22 vite.
Ai është arrestuar pas hetimeve të autoriteteve italiane, në bashkëpunim me ato shqiptare.
Ndërkohë pritet ekstradimi i tij drejt Shqipërisë për ekzekutimin e dënimit.
