Detaje të reja kanë dalë nga ngjarja e sotme me turistët dy turistë gjermanë kanë rënë në një humnerë në luginën e Valbonës, mes Thethit dhe Valbonës, ku për pasojë njëri prej tyre fatkeqësisht ka humbur jetën.
Turistja tjetër, një vajzë, është e plagosur dhe në gjendje të traumatizuar.
Shkak i rënies së tyre në humnerë është bërë akulli, pasi rrëshqitja ka rezultuar fatale për burrin, i cili është përplasur me kokë në një pemë duke gjetur vdekjen.
Edhe pse në vendngjarje tashmë ndodhet edhe helikopteri, nxjerrja e trupit të pajetë të burrit është e pamundur, për shkak të zonës së thellë në të cilën ka rënë.
Njoftimi i policisë:
“Rreth orës 12:40, jemi njoftuar nga DVP Shkodër, se në kufirin mes Thethit dhe Valbonës, dyshohet se dy turistë gjerman, duke eksploruar zonën, janë dëmtuar rëndë. Për t’u ardhur në ndihmë turistëve, janë nisur shërbimet e Policisë të Komisariatit Tropojë dhe shërbimet e DVP Shkodër, si dhe është njoftuar spitali i Tropojës, për të nisur ekipin mjekësor”./albeu.com
