Gjykata Ndërkombëtare e Drejtësisë (GJND) pritet të japë sot një vendim për një padi të ngritur nga Ukraina kundër Rusisë.
Ukraina formuloi një argument ligjor krijues për ta çuar këtë çështje para gjykatësve ndërkombëtarë duke përdorur Konventën e Gjenevës për të akuzuar Moskën për përdorimin e pretendimeve të rreme për gjenocid si pretekst për të justifikuar një pushtim të paligjshëm.
Ukraina po kërkon njohjen që pretendimet ruse se Ukraina ka kryer akte gjenocidi në rajonet e Luhansk dhe Donetsk të Ukrainës janë të pavërteta, dhe për këtë arsye rusët nuk mund të pretendojnë ligjërisht, në mënyrë legjitime se po ndërhyjnë për të parandaluar ose ndëshkuar Ukrainën për akte të tilla.
Rusia nuk u paraqit në seancat dëgjimore. Në vend të kësaj, ambasadori rus në Hagë dërgoi një letër duke argumentuar se padia ishte “absurde”.
Gjykata e lartë e OKB-së ka fuqi të kufizuar shtrënguese dhe askush nuk pret që Rusia të heqë armët bazuar në atë që thuhet këtu në Hagë.
Por është pjesë e një strategjie për të luftuar agresionin rus përmes gjykatave, e cila mund të ndihmojë në sigurimin e reparacioneve në betejat e ardhshme ligjore.
