Franco Foda ka bërë publike përbërjen e Kosovës për ndeshjen e radhës, ku bie në sy aktivizimi i Amir Shaipit në portë dhe debutimi i Lindrit Kamberit.
Vedat Muriqi do të jetë sulmuesi i vetëm, ndërsa në mbështetje të tij nga krahët do të pozicionohen Milot Rashica dhe Edon Zhegrova.
Të lidhura
None found
Në mesfushë do të luajnë Leon Avdullahu, Mërgim Vojvoda dhe Veldin Hoxha.
Lindrit Kamberi do ta nisë ndeshjen në mbrojtje, duke bërë debutimin me përfaqësuesen e Kosovës. Kreshnik Hajrizi rikthehet në formacion pas dëmtimit dhe do të jetë titullar, ndërsa në qendër do të ketë përkrah Ilir Krasniqin. Dion Gallapeni do të mbulojë krahun e majtë.
Në zgjedhjen e parë të portës, Foda i ka dhënë përparësi Amir Shaipit përpara Arijanet Muriqit.
Kosova do të paraqitet me disa mungesa, siç ishte njoftuar më herët. Mes lojtarëve jashtë listës është edhe sulmuesi 18-vjeçar Enis Rexhepi, i cili aktivizohet me ekipin e dytë të Stuttgartit dhe në Championsin e të rinjve.
Nuk do të jenë të pranishëm as Lumbardh Dellova, Ermal Krasniqi, Erblin Osmani dhe Valmir Matoshi. Në repartin e mbrojtjes mungon edhe Albian Hajdari, i cili së fundmi ka kryer dy operime.
Takimi do të nisë në orën 15:00 dhe përbën ndeshjen e parafundit të Grupit B3.
Kosova renditet në vendin e dytë me pesë pikë, po aq sa Irlanda, e cila ndodhet në pozitën e tretë.
Formacioni i Kosovës: Shaipi, Kamberi, Hajrizi, Krasniqi, Gallapeni, Avdullahu, Zhegrova, Vojvoda, Hoxha, Rashica, Muriqi.
