Prodani është ftuar që të marrë pjesë nesër në punimet e Asamblesë së FSHF-së.
Ky vendim i FSHF-së vjen pasi gjykata njohu Prodanin si kryetar të Shoqatës Rajonale të Tiranës, dhe jo Krenar Alimehmeti që fitoi në Asamblenë e mbledhur nga Federata.
Gjithashtu, Prodani ka bërë një postim duke falënderuar mbështetësit e tij.
Postimi i plotë:
“Anëtarëve të Shoqatës Rajonale të Futbollit Tiranë
Më në fund FSHF njeh rezultatin e ligjshëm të zgjedhjeve në Shoqatën Rajonale të Futbollit të Tiranës. Beteja për transperencë dhe lufta për drejtësi ja vlejti.
Tashmë Tirana do të ketë një përfaqësi të vërtetë për futbollin e në shërbim të futbollit. Ashtu si ju kam premtuar do të jem zëri juaj dhe avokati i tërë komunitetit të futbollit në kryeqytet.
Falenderoj të tërë ata që më besuan, më inkurajuan dhe më mbështetën në këtë përpjekje. Mezi pres t’ja nisim punës së bashku!”/ h.ll/albeu.com
