Një ngjarje e rëndë u raportua mbrëmë në Maliq, Korçë ku një vajzë 22-vjeçare tentoi t’i japë fund jetës duke u prerë me thikë.
Sot policia ka vënë në pranga bashkëshortin e saj 34-vjeçar i cili akuzohet se ka ushtruar dhunë fizike dhe psikologjike ndaj saj duke bërë që ajo të tëntojë vetëvrasjen.
Maliq- Ushtroi dhunë fizike dhe psikologjike ndaj bashkëshortes së tij, e cila më pas tentoi të vetëvritej, vihet në pranga 34-vjeçari. Specialistët për Hetimin e Krimeve në Komisariatin e Policisë Maliq, në vijim të punës për zbardhjen e plotë të rrethanave të ngjarjes së ndodhur mbrëmjen e djeshme në fshatin Orman, Maliq, bënë arrestimin në flagrancë për veprën penale “Dhuna në familje”, të shtetasit E. R., 34 vjeç, banues në këtë fshat.
Nga veprimet hetimore të kryera, rezulton se ky shtetas në banesë, ka ushtruar dhunë fizike dhe psikologjike, ndaj bashkëshortes së tij shtetases E. R., 22 vjeçe, e cila në gjendje të rënduar psikologjike, ka tentuar të vetëvritet me thikë dhe ndodhet në Spitalin e Korçës nën kujdesin e mjekëve. Materialet i kaluan Prokurorisë së Rrethit Gjyqësor Korçë për veprime të mëtejshme. /albeu.com/
