Lajme të mira për Barcelonën dhe trajnerin e saj Ronald Koeman. Tre ndeshjet e radhës ndaj Valencias, Dynamo Kiev në Champions dhe El Clasicon përballë Realit të Madridit, do të jenë vendimtare për fatet e trajnerit holandez në stol i cili në këto tre sfida mund të mbështetet edhe te një nga afrimet më të bujshme të Barçës gjatë kësaj vere, El Kun Aguero.
Sulmuesi argjentinas mund të jetë në dispozicion të Koeman që për ndeshjen e 17 tetorit ndaj Valencias.
Aguero u dëmtua në në fazën përgatitore para fillimit të kampionatit, por tashmë rikuperimi i tij po shkon shumë mirë dhe pas pauzës pritet të jetë plotësisht i gatshëm.
