Afati i vendosur nga Gjykata Kushtetuese për zgjedhjen e presidentit përfundon në orën 24:00, ndërsa deri tani nuk ka asnjë sinjal se Kuvendi i Kosovës do të mblidhet sonte në seancë.
Të lidhura
None found
Kryeministri dhe kreu i Lëvizjes Vetëvendosje, Albin Kurti, kërkon që presidenti të zgjidhet gjatë mbrëmjes së sotme. Sipas tij, të enjten duhet të votohet në lexim të dytë Projektligji për Gjykatën Speciale.
Për këtë çështje, Kurti ka njoftuar se do të mbajë një konferencë për media në orën 19:45.
Ndërkohë, PDK-ja insiston që Kuvendi të miratojë në lexim të dytë Projektligjin për ndryshimin e Ligjit për Gjykatën Speciale.
Iniciativa “Jo në emrin tim” ka paralajmëruar gjithashtu një protestë sonte në orën 21:00, në sheshin “Skënderbeu” në Prishtinë.
