Gjenerata e re e Volkswagen Atlas 2027 ka hyrë në prodhim në fabrikën e kompanisë në Chattanooga, Tennessee. Automjetet e para pritet të mbërrijnë te distributorët gjatë këtij muaji.
Të lidhura
None found
SUV-i me tre rreshta ulësesh është pajisur me një pamje të ridizajnuar, një ambient të brendshëm të përmirësuar dhe një motor të ri.
Nën kapak ndodhet një motor turbo 2.0-litërsh me katër cilindra, i cili zhvillon 282 kuaj fuqi. Ky konfigurim e rendit Atlas 2027 si versionin më të fuqishëm të prodhuar deri tani.
Fabrika në Chattanooga punëson rreth 4,000 persona dhe që prej vitit 2016 ka qenë vendi ku është prodhuar çdo Atlas i shitur në tregun amerikan.
Volkswagen ka bërë të ditur se Atlas 2027 do të dalë në shitje në SHBA gjatë tetorit. Ndërkohë, varianti me dy rreshta ulësesh, Atlas Cross Sport, pritet të prezantohet në fillim të vitit 2027.
Që nga fillimi i prodhimit të këtij modeli, uzina e Chattanooga-s ka nxjerrë mbi 1 milion automjete Atlas dhe Atlas Cross Sport. /Telegrafi/
