Toni Kroos bëri shaka me Jurgen Kloppin, përzgjedhësin e ri të Gjermanisë, pasi nuk mori prej tij mesazhin për përkrahjen e Kombëtares në nisjen e një epoke të re.
Të lidhura
None found
Në podcastin e tij, Kroos tregoi se Klopp u kishte dërguar një buletin disa “ish-lojtarëve të merituar të Kombëtares”, por ai nuk e gjeti mesazhin në inbox.
“Edhe unë e lexova këtë, por ende nuk më ka ardhur asgjë. Ndoshta as unë nuk jam një ish-lojtar i merituar i Kombëtares”, tha ai me humor.
Ish-mesfushori i Real Madridit shtoi se kishte ndër mend t’i dërgonte vetë një mesazh Kloppit në WhatsApp.
“Do t’i shkruaj në WhatsApp dhe do ta pyes se ku është emaili. Isha shumë i lumtur dhe tani nuk po më vjen asgjë”.
Kroos, i cili ka luajtur 114 ndeshje për Gjermaninë dhe fitoi Kupën e Botës në vitin 2014, vijoi shakanë duke thënë se Kevin Grosskreutz me siguri ishte kontaktuar nga Klopp.
“Kevin Grosskreutz me siguri e ka marrë një nga Kloppo, për këtë jam i sigurt”.
Ditët e fundit, Kroos kishte ironizuar edhe për mungesën e Aleksandar Pavlovicit, Florian Wirtzit dhe Jamal Musialas në grumbullimin e fundit të Gjermanisë. Të tre lojtarët u përfshinë më pas në listën e Kloppit.
