Kancelari gjerman Friedrich Merz ndodhet përballë sfidës më të rëndë të karrierës së tij politike. Seria e humbjeve në zgjedhjet rajonale ka dëmtuar ndjeshëm pozitat e partisë së tij, Bashkimit Kristian Demokrat (CDU).
Të lidhura
None found
Brenda një muaji, CDU-ja ka pësuar humbjen e dytë dhe të tretë, këtë herë në Mecklenburg-Vorpommern dhe në Berlin. Rezultatet e kanë zhytur partinë në nivele të thella jopopullariteti, ndërsa AfD-ja, forca e ekstremit të djathtë, anti-imigracionit dhe pro-ruse, ka regjistruar fitore të rëndësishme. Ajo tashmë është shndërruar në forcën kryesore politike në disa rajone dhe kryeson sondazhet në rang kombëtar.
Një analizë e CNN e përshkruan situatën e Merz si të pasigurt, në një kohë kur vetëm 13% e gjermanëve thonë se janë të kënaqur me punën e kancelarit.
Kritikat ndaj tij lidhen me aftësitë e dobëta komunikuese, mospërmbushjen e premtimeve financiare dhe përplasjet diplomatike me Shtëpinë e Bardhë gjatë drejtimit të Donald Trump.
Pavarësisht kërkesave të së djathtës ekstreme për zgjedhje të parakohshme dhe zërave që kërkojnë largimin e tij, Merz ka bërë të qartë se nuk planifikon të japë dorëheqjen. Ai u ka bërë thirrje mbështetësve të tregojnë guxim dhe durim për ta kapërcyer këtë periudhë të vështirë.
Kriza politike në Gjermani, ekonominë më të fuqishme të Bashkimit Evropian, po ngre shqetësime për qëndrueshmërinë e vendit dhe për mbështetjen që ai i jep Ukrainës.
Megjithatë, ekspertët mendojnë se largimi i Merz nuk është një skenar i afërt, pasi aktualisht nuk ka një pasardhës të qartë. Ndër emrat që përmenden si mundësi është guvernatori i North Rhine-Westphalia, Hendrik Wüst.
