Kryetari i Aleancës, Ardian Gjini, zhvilloi sot një takim me Anu Prattipatin, të Ngarkuarën me Punë në Ambasadën e Shteteve të Bashkuara të Amerikës në Kosovë.
Të lidhura
None found
Gjatë bisedës u trajtuan zhvillimet e fundit në Kosovë, si dhe situata e krijuar pas zgjedhjeve të 7 qershorit.
Gjini bëri të ditur se e informoi përfaqësuesen amerikane mbi qëndrimin e Aleancës dhe angazhimin e saj për ruajtjen e interesit shtetëror dhe demokracisë.
“Në këtë periudhë sfidash, Aleanca e sheh si përgjegjësi të saj mbrojtjen e arritjeve të Kosovës dhe përparimin e pandërprerë në rrugën euroatlantike”, deklaroi Gjini.
Takimin e mbylli duke e falënderuar Prattipatin për angazhimin e saj aktiv, si dhe Shtetet e Bashkuara të Amerikës për mbështetjen e vazhdueshme ndaj proceseve të rëndësishme që po kalon Kosova.
