Ministrja e Shtetit për Marrëdhëniet me Parlamentin, Erjona Ismajli, komentoi denoncimet e ish-zëvendës kryeministrit Arben Ahmetaj, se qeveria mund të jetë përfshirë në trafik armësh përmes kompanisë KAYO.
E pyetur nga gazetarët në lidhje me audiopërgjimet e publikuara nga Ahmetaj, ajo theksoi se KAYO është një “krenari” dhe se nuk mund t’u përgjigjet deklaratave të atyre që sipas saj, janë zhytur në llumin e tyre.
Të lidhura
None found
“Më vjen sa keq aq edhe ndot të diskutoj apo jap përgjigje për deklarata të të arratisurve nga drejtësia. Është për mua një kërkesë që dëshiroj t’ia bëj në mënyrë direkte personit që ka bërë ato deklarata dhe ka nxjerrë përgjimet, që ashtu sikurse ka guximin që nga pisllëku në të cilin është zhytur të hedhë llum mbi projekte të qeverisë, të gjejë guximin dhe të përballet me drejtësinë shqiptare”, tha ministrja.
Por ndërsa gazetarja insistoi në pyetjen nëse paketohen apo prodhohen armë në Shqipëri, ajo vijoi:
“Ajo që mund të them është se KAYO është një nga krenaritë për sa i përket projekteve të implementuara nga qeveria, dhe që normalisht më vjen ndot që të jap përgjigje të deklaratave të bëra publike nga njerëz që janë zhytur në llumin e tyre”.
