Lamine Yamal ka ironizuar Real Madridin për kritikat e vazhdueshme ndaj arbitrimit gjatë këtij sezoni, duke i dërguar klubit madrilen një mesazh të drejtpërdrejtë.
Të lidhura
None found
Gjatë konferencës për shtyp në prag të përballjes së Barcelonës me Feyenoordin në Ligën e Kampionëve, 18-vjeçari u pyet nëse pritej një vit i zhurmshëm, duke qenë se Real Madridi kishte nisur të ankohej për vendimet e gjyqtarëve.
Futbollisti katalanas iu përgjigj pyetjes me tone ironike.
“Nëse nuk kanë fituar prej dy vitesh, ky është problemi i tyre. Ne jemi të kënaqur me gjykimin. Kjo pyetje është për ta. Edhe ata i shoh të lumtur”.
Barcelona ka triumfuar në La Liga në dy sezonet e fundit, ndërsa Real Madridi ka mbetur pas saj në luftën për titull.
Edhe këtë sezon katalanasit janë në krye të renditjes me 12 pikë. Real Madridi mban vendin e tretë me nëntë pikë.
Yamal foli me vlerësim të madh edhe për Xavi Hernandezin, trajnerin e Holandës.
“Ai është një trajner i madh. Kam shumë respekt dhe dashuri për të dhe shpresoj që gjithçka t’i shkojë mirë, përveç ndeshjeve të tij kundër Spanjës”, deklaroi Yamal.
Xavi ishte trajneri që i dha atij mundësinë të debutonte me ekipin e parë të Barcelonës.
