Deputeti i Lidhjes Demokratike të Kosovës, Anton Quni, ka hedhur poshtë pretendimet për ndarje të brendshme në parti, duke theksuar se shkëmbimi i mendimeve është karakteristikë e kësaj force politike.
Të lidhura
None found
Sipas tij, mospajtimet dhe debatet mund të dalin në sipërfaqe ose të qëndrojnë brenda strukturave të organizatës, ndërsa ai u bëri apel të gjithëve që çdo shenjë tensioni të zbutet me kontributin e përbashkët, raporton EO.
“Absolutisht jo, nuk ka fraksione. Kjo është pasuria e mendimeve dhe vetë thelbi i Lidhjes Demokratike të Kosovës — që ne zhvillojmë diskutime të brendshme. Ato natyrisht mund të bëhen publike përmes mediave ose të ruhen brenda partisë.
Megjithatë, një gjë është e sigurt: sa më e bashkuar të jetë Lidhja Demokratike e Kosovës, aq më shumë shpresë dhe zhvillim do të sjellë për Republikën e Kosovës. Prandaj edhe juve u kisha lutur që, sa herë që shfaqet ndonjë tension, të na ndihmoni për ta qetësuar situatën”, u shpreh ai.
