Një ngjarje e rëndë ka ndodhur në prill të 2018-tës në Kroaci ku një nënë ka vrarë djalin e saj 3-vjeçar dhe më pas e hodhi trupin e tij në lumë, për të shkuar me pushime në Maqedoni.
Chiara Pasic, 33 vjeçe, u dënua për vrasjen e djalit të saj për plot 33 vite. Në atë moment, avokatët e saj e dërguan çështjen për rigjykim në gjykatën e apelit, pasi pretendonin se dënimi i dhënë ndaj klientes së tyre, është i padrejtë.
Chiara akuzohet se e ka mbytur të birin, dhe më pas e hodhi trupin në afërsi të një porti, në qytetin bregdetar të Pulës.
Interesant është fakti që gruaja nuk ka qenë e vetme në këtë krim, por është ndihmuar nga një 15-vjeçare, e cila gjithashtu është dënuar me tre vite paraburgim të posaçëm për të rinjtë, në qytetin Pozega, në Kroacinë Lindore.
Adoleshentja, identiteti i së cilës nuk bëhet i ditur, mendohet se e ka mbuluar me jastëk fytyrën e vogëlushit duke e mbytur, ndërsa Chiara gjatë kësaj kohe i mbante shtrënguar këmbët dhe duart të birit që lëviznin pareshtur nga tmerri i përjetuar.
Më pas, ato e hodhën trupin e pajetë të të miturit në lumë. Menjëherë pas vrasjes, 33-vjeçarja ka telefonuar policinë dhe i ka raportuar se i biri i kishte humbur, ndërsa për herë të fundit e kishte parë në një park aty pranë, duke lozur me disa fëmijë. Policia nuk e besoi këtë version dhe me të gjithë insistimin e tyre, gruaja më në fund arriti të rrëfente të gjithë të vërtetën, shkruan “The Sun”.
