ZYRTARE/ Zëvendësuesi i Lacazette, Arsenali nënshkruan me “9” braziliane

Tashmë zyrtarisht Gabriel Jesus është lojtari më i ri i Arsenalit. Sulmuesi brazilian ka firmosur me “Topçinjtë”, teksa u transferua nga Manchester City, me të cilin shënoi 95 gola në 236 ndeshje.

Lajmin e ka bërë të ditur vetë klubi anglez nëpërmjet një postimi në rrjetet sociale, ku tregohet se Jesus ka nënshkruar kontratë me “Topçinjtë” deri në vitin 2027, teksa do të mbajë numrin 9 në fanellë.

“Jemi të kënaqur që kemi siguruar transferimin e Gabrielit. Të gjithë ata që e njohin mirë futbollin i njohin cilësitë e Jesus.

Gabriel është një futbollist që ne e kemi admiruar për një kohë të gjatë. Ai është 25-vjeçar dhe ka treguar vazhdimisht nivel të lartë”, tha Edu.