Tirana luan sot ndaj Laçit në Vorë, në takimin e javës së 7-të të “Abissnet Superiore”, i cili nis në orën 13:30.
Të lidhura
None found
Nën drejtimin e Dean Klafuriç, bardheblutë synojnë të vijojnë me paraqitjen e bërë në derbin e kryeqytetit. Ruajtja e këtij ritmi është e rëndësishme për t’iu afruar më shumë kreut të renditjes.
Fitorja ndaj kurbinasve do t’i afronte Tiranën në vetëm 1 pikë me Dinamon, e cila u mposht nga Teuta. Ky rezultat u jep kryeqytetasve një motiv shtesë për ta shfrytëzuar mundësinë.
Laçi, nga ana tjetër, vjen pas dy humbjeve radhazi, që kanë frenuar skuadrën e Qatip Osmanit. Edhe pse Tirana konsiderohet favorite, kurbinasit do të japin maksimumin për t’ua prishur planet kundërshtarëve.
