Faza sulmuese e Real Madridit do të forcohet ndjeshëm gjatë verës, kur Kylian Mbappe dhe Endrick Felipe të bëjnë ardhjet e tyre të shumëpritura, por pavarësisht se dy sulmues nënshkruajnë, nuk ka plane për të ndarë rrugët me Joselu Mato.
Tifozët e Los Blancos ngritën vetullat verën e kaluar kur Joselu ishte nënshkrimi i tyre i vetëm në sulmu, pavarësisht largimit të Karim Benzema në Al-Ittihad.
Megjithatë, pavarësisht se nuk e ka startuar rregullisht, 34-vjeçari ka pasur një sezon të shkëlqyeshëm, duke kontribuar me 18 gola në të gjitha garat – duke përfshirë dy kundër Bayern Munichut që rezervoi vendin e Real Madridit në një tjetër finale të Ligës së Kampionëve.
Sipas gazetarit të Sky Germany, Patrik Berger, Real Madrid do të aktivizojë opsionin e blerjes për Joselun në marrëveshjen e tyre të huazimit me Espanyol.
Shuma që do të duhet të paguajnë është qesharake për nivelin e treguar. Vetëm 1.5 milionë euro.
Paratë do të ndihmojnë gjithashtu Espanyolin me probleme e tyre financiare, të cilat mund të përkeqësohen edhe më shumë nëse ata nuk arrijnë të ngjiten në La Liga.
Sido që të jetë, Real Madridi do të vazhdojë të llogarisë te Joselu edhe për të paktën 12 muaj të tjerë. /Telegrafi/
🚨 Excl. Real Madrid will extend the contract with Joselu (34/🇪🇸) for another year. The Spanish side is set to pull the buy option. @JoseluMato9 – on loan from Espanyol Barcelona – playing a fantastic season for @realmadrid with 17 goals and 3 assists. ⚪️ @SkySportNews
— Patrick Berger (@berger_pj) May 24, 2024
