Llapi ka marrë tri pikët në transfertën ndaj Vushtrrisë, duke i dhuruar trajnerit Tahir Batatina fitoren e parë në sezonin 2026/17.
Të lidhura
None found
Ekipi nga Podujeva dominoi gjatë gjithë takimit dhe triumfoi me rezultatin e thellë 0-4.
Avantazhin për Llapin e siguroi Arbnor Ramadani në minutën e 17-të, me një goditje të jashtëzakonshme nga distanca.
Pak para përfundimit të pjesës së parë, Fiton Ademi e çoi epërsinë në 0-2, pas asistimit të Malokut në minutën e 36-të.
Skuadra mysafire nuk e uli ritmin as në vazhdim dhe realizoi edhe dy gola të tjerë. Arianit Hasani shënoi të tretin në minutën e 60-të, pas kombinimit me Yahaya, ndërsa Mërgim Cërnaverni vendosi rezultatin përfundimtar në minutën e 90-të, pas pasimit të Ramadanit.
Pas kësaj fitoreje, Llapi arkëton pikët e plota, ndërsa Vushtrria vazhdon të presë për pikët e para.
