Muaj pas shkarkimit të tij nga Roma, Jose Mourinho është lidhur me një lëvizje në West Ham mes dyshimeve në rritje për shkarkimin e David Moyes.
Trajneri 61-vjeçar portugez u shkarkua nga Giallorossët në janar, vetëm disa ditë pasi skuadra pësoi një humbje të dhimbshme 3-1 jashtë me Milanin, rezultat që i la ata në vendin e nëntë në tabelën e Serisë A.
Ai u zëvendësua nga Daniele De Rossi, i cili ka shkëlqyer me ardhjen e tij te Roma.
Mourinho ka mbetur pa punë që nga largimi i tij nga Roma, duke tërhequr vëmendjen e një numri klubesh, përfshirë Napolin, dhe ai e bëri të qartë se planifikon të rikthehet në skuadër gjatë verës, duke dashur të gjejë një klub dhe projekt të ri.
Siç raportohet nga TeamTalk, Mourinho është lidhur me punën në West Ham pasi kontrata e Moyes po shkon drejt fundit, skadon në verë.
Trajneri portugez ka kaluar tashmë kohë me Chelsean, Manchester United dhe Tottenham në Ligën Premier, dhe tani mund të kthehet me një klub të ri.
61-vjeçari tregoi aftësitë e tij në skenën evropiane me një buxhet të kufizuar te Roma, diçka që mund të jetë tërheqëse për ‘Çekanët’, pasi me Romën fitoi Ligën e Konferencës. /Telegrafi/
