Cristiano Ronaldo e ndoqi nga pankina të gjithë fitoren 2-1 të Portugalisë ndaj Norvegjisë në Ligën e Kombeve. Kjo ishte hera e parë në 18 vjet që ai qëndronte në stol gjatë një ndeshjeje të plotë.
Të lidhura
None found
Kapiteni 41-vjeçar nuk u aktivizua nga Jorge Jesus. Pas vërshëllimës përfundimtare, ai u drejtua menjëherë për në dhomat e zhveshjes, pa iu bashkuar shokëve të skuadrës për të përshëndetur tifozët portugezë që kishin udhëtuar në Norvegji.
Jesus tha se nuk e kishte parë që Ronaldo ishte larguar para të tjerëve. Megjithatë, ai bëri të ditur se do të bisedojë privatisht me të për detyrimet që ka si kapiten i kombëtares.
“Nuk e pashë që u largua më herët. Do të flas me të privatisht për përgjegjësitë e tij si kapiten”.
Trajneri shpjegoi edhe arsyen pse vendosi të mos e fuste në lojë, duke theksuar se rrjedha e ndeshjes nuk kërkonte një sulmues me tiparet e Ronaldos.
“Vetëm pse ai nuk luajti sot, nuk do të thotë se nuk llogaris në të”.
Edhe pse nuk u aktivizua kundër Norvegjisë, Ronaldo mbetet pjesë e planeve të Portugalisë dhe pritet të jetë i gatshëm për përballjen e radhës në Ligën e Kombeve, ndaj Danimarkës.
