EURO 2020/ Ndeshja hapëse, Itali – Turqi do të luhet me tifozë

Pak ditë më parë presidenti i UEFA-s, Aleksander Ceferin në një intervistë theksoi se asnjë ndeshje e Euro 2020 që do të nisë në qershor nuk do të luhet pa tifozë.

Në këtë mënyrë edhe sfida hapëse mes Italisë dhe Turqisë me shumë gjasa do të ketë të pranishëm rreth 22 mijë tifozë. Ndeshja është programuar të luhet më 11 qershor në “Olimpico” të Romës stadium me një kapacitet prej 70634 tifozë dhe të gjithë shpresojnë që në shkallët e impiantit të njohur të ketë fansa të pranishëm.

Presidenti i Federatës Italiane të Futbollit, Gabriele Gravina ka deklaruar gjatë ditës së hënë në Coverciano se objektivi është që 30% e stadiumit të jetë i mbushur me tifozë, ndryshe rreth 22 mijë. Kreu i futbollit italian insiston prej një kohë të gjatë për rikthimin gradual të tifozëve në stadiume dhe është optimist në lidhje me këtë gjë.

Shtuar 23.03.2021 10:03