Helikopterët e ushtrisë dhe të policisë, së bashku me avionët “air tractor” të Drejtorisë për Mbrojtje dhe Shpëtim, u angazhuan mëngjesin e sotëm për të ndihmuar zjarrfikësit e Shkupit dhe ekipet e DMSH-së me automjete “Pinzgauer” në përballjen me zjarrin e madh pranë fshatit Graçan. Flakët vijojnë të jenë aktive si në territorin e Maqedonisë, ashtu edhe në atë të Kosovës.
Të lidhura
None found
Për furnizimin me ujë që përdoret në operacionin e shuarjes, një helikopter i ushtrisë po mbushet në grykëderdhjen e lumit Lepenc në Vardar.
Sipas njoftimit të mëhershëm të Qendrës për Menaxhim me Kriza, gjatë 24 orëve të fundit janë evidentuar gjithsej 31 zjarre në hapësira të hapura. Mes tyre është edhe zjarri pranë fshatit Graçan. Një prej zjarreve mbetet aktiv, tre janë nën kontroll, ndërsa 27 janë shuar.
