Marshi protestues me moton “Jo në emrin tim!” do të zhvillohet sot në Shkup, në shenjë mbështetjeje për ish-krerët e Ushtrisë Çlirimtare të Kosovës.
Të lidhura
None found
Sipas Këshillit Organizativ, nisja e tubimit është planifikuar për orën 14:00 nga Sheshi “Skënderbeu” në Shkup.
Pjesë e protestës mund të bëhen qytetarët, familjarët e dëshmorëve, veteranët dhe invalidët e luftës, ish-të burgosurit politikë, studentët, profesorët, akademikët dhe artistët.
Thirrja për pjesëmarrje u është bërë edhe përfaqësuesve të shoqërisë civile dhe subjekteve politike shqiptare.
Organizatorët theksojnë se aktiviteti do të mbahet në mënyrë paqësore, qytetare dhe dinjitoze, ndërsa pjesëmarrësit janë ftuar të respektojnë rendin dhe qetësinë publike.
