Prokuroria Themelore Publike në Shkup ka njoftuar hapjen e një lënde për verifikimin e informacioneve rreth ndotjes së konsiderueshme të natyrës me mbeturina në zonën e mbrojtur pranë burimeve Rashçe.
Të lidhura
None found
Sipas institucionit, një prokuror publik kompetent do të bashkërendojë veprimet e Inspektoratit Shtetëror të Mjedisit dhe të shërbimeve përkatëse inspektuese, me synim kryerjen e kontrolleve për të përcaktuar origjinën e deponisë dhe pasojat që mund të ketë shkaktuar ajo.
Nga PTHP-ja bëjnë të ditur se, në rast se konstatohen elemente të një vepre penale kundër mjedisit dhe zbulohen autorët, Prokuroria Publike do të ndërmarrë veprimet për ndjekje penale në përputhje me kompetencat e saj.
