Partia në pushtet OBRM-PDUKM ka sulmuar kreun e LSDM-së, Venko Filipçe, duke e mbajtur përgjegjës për mungesë veprimi ndaj problemeve me cilësinë e ujit të pijshëm, gjatë periudhës që ai drejtonte Ministrinë e Shëndetësisë.
Të lidhura
None found
Sipas një deklarate për media, OBRM-PDUKM thekson se raportet e analizave të bëra publike dëshmojnë se edhe nën qeverisjen e LSDM-së janë regjistruar raste të ujit të ndotur në disa zona të vendit, përfshirë këtu edhe Gostivarin.
Partia akuzon se autoritetet e asaj kohe nuk ndërmorën asnjë hap konkret për të adresuar krizën dhe se munguan shkarkimet, hetimet apo kërkesat për llogaridhënie ndaj zyrtarëve vendorë.
OBRM-PDUKM i cilëson të pabaza kritikat më të reja të LSDM-së për gjendjen aktuale të ujit dhe i kërkon Filipçes të japë shpjegime para publikut për masat që ndërmori gjatë kohës si ministër i Shëndetësisë.
