Kryeministri i Republikës së Maqedonisë së Veriut, Hristijan Mickoski, deklaroi se Qeveria ka realizuar një projekt për pajisjen me klima inverter të 500 familjeve që plotësojnë kriteret sociale për përmirësimin e kushteve të banimit.
Të lidhura
None found
Duke iu përgjigjur pyetjeve të gazetarëve lidhur me ndarjen e vauçerëve, Mickoski tha se pajisjet do t’u shërbejnë këtyre familjeve për ngrohjen e banesave, veçanërisht në prag të sezonit të ngrohjes.
Sipas tij, kjo nismë është pjesë e politikave qeveritare për mbështetjen e familjeve në nevojë, ndërsa njëkohësisht synon edhe uljen e emetimeve të grimcave të dëmshme dhe ndotjes së ajrit.
Mickoski shtoi se Qeveria do të vijojë zbatimin e projekteve të ngjashme, me synim mbështetjen sociale, përmirësimin e cilësisë së ajrit dhe mbrojtjen e mjedisit.
