Deri në mbyllje të kësaj jave, Maqedonia do të mbetet nën ndikimin e motit me diell dhe temperaturave shumë të larta. Duke nisur nga e enjtja, në orët e pasdites, disa zona mund të përfshihen nga reshje shiu dhe bubullima.
Të lidhura
None found
Drejtoria për Punë Hidrometeorologjike (DPHM) bën të ditur se do të vijojë periudha e nxehtë dhe me diell, ndërsa në vende të caktuara temperaturat gjatë ditës do ta tejkalojnë nivelin prej 40 gradësh Celsius. Sipas njoftimit, nga e enjtja deri në fundjavë do të krijohen kushte për vranësira të paqëndrueshme me karakter lokal, të shoqëruara me reshje të shkurtra dhe bubullima gjatë pasdites.
Vlerat maksimale pritet të arrijnë deri në 40 gradë Celsius nga e mërkura, kurse gjatë fundjavës termometri mund të shënojë deri në 41 gradë.
