Maqedonia e Veriut shënon 30 zjarre në 24 orë, një prej tyre vijon të jetë nën kontroll

Brenda 24 orëve të fundit, në hapësira të hapura në Maqedoninë e Veriut janë evidentuar gjithsej 30 vatra zjarri.

Qendra për Menaxhim me Kriza njofton se aktualisht nuk ka zjarre aktive. Nga totali i rasteve, 29 zjarre janë shuar, ndërsa një tjetër vijon të mbahet nën kontroll.

Vatra e fundit ndodhet mes fshatrave Sllatinë dhe Greshnicë, në komunën e Makedonski Brodit, ku flakët kanë përfshirë pyll të ulët dhe vegjetacion të ulët.