Zëvendësministri i Punëve të Brendshme i Maqedonisë së Veriut, Astrit Iseni, bëri të ditur se është firmosur marrëveshja One Stop Shop mes Republikës së Maqedonisë së Veriut dhe Republikës së Shqipërisë.
Në një postim në rrjetet sociale, ai vlerësoi se ky zhvillim përfaqëson realizimin e një prej zotimeve për të lehtësuar lëvizjen e qytetarëve dhe për të rritur cilësinë e shërbimeve në pikat kufitare.
Të lidhura
None found
“Po realizohet ajo që kemi premtuar: punojmë për qytetarët. Kufij më të shpejtë, më pak pritje dhe më shumë dinjitet për qytetarët e të dy vendeve”, shkroi Iseni.
Ai shprehu bindjen se kjo marrëveshje do të sjellë përfitime konkrete për qytetarët e Republikës së Maqedonisë së Veriut dhe Republikës së Shqipërisë, ndërsa nënvizoi se sistemi One Stop Shop do të ndihmojë në përshpejtimin e procedurave kufitare dhe në lehtësimin e qarkullimit mes dy vendeve.
