Ambasada greke në Shkup ka përhapur një ftesë zyrtare për të gjithë banorët e Maqedonisë së Veriut, të cilët zotërojnë prejardhje greke dhe përmbushin kriteret për të fituar nënshtetësinë helene.
Të lidhura
None found
Në thirrjen e saj, përfaqësia diplomatike thekson: “Greqia ju do. Thelloni marrëdhënien me vendin tuaj amë,” duke iu referuar lidhjeve historike dhe familjare të këtyre individëve.
Sipas komunikimit, personat e interesuar mund të mësojnë rreth kërkesave ligjore, dokumentacionit që duhet dorëzuar dhe hapave fillestarë për aplikim duke u bazuar në linjën e gjakut, pra nëpërmjet prindërve ose gjyshërve me identitet grek. Procesi fillon pranë konsullatës greke që mbulon zonën e banimit të aplikantit, ku ofrohen edhe orientime shtesë.
Ambasada i nxit qytetarët të shqyrtojnë me kujdes legjislacionin dhe të konfirmojnë nëse përfshihen në kategoritë e parashikuara, duke i drejtuar gjithashtu drejt faqeve zyrtare për shpjegime më të thelluara.
Kjo lëvizje e Athinës vjen pas një modeli të ngjashëm që Sofia e ka zbatuar për vite me radhë. Siç raportohet, një numër i konsiderueshëm banorësh nga Maqedonia e Veriut kanë siguruar tashmë dokumente udhëtimi bullgare, duke pretenduar origjinë bullgare për të përfituar të drejtën e shtetësisë.
