Pasditen e sotme, një vatër e re zjarri është shfaqur në zonën kodrinore pranë Parkut Kombëtar Arkeologjik të Apollonisë, duke shkaktuar shqetësim në rrethinat e Fierit.
Flakët janë përhapur me shpejtësi në kodra dhe kanë përfshirë një sipërfaqe të konsiderueshme territori, siç duket edhe në pamjet e marra nga terreni.
Të lidhura
None found
Tymi i dendur, me ngjyrë gri dhe të zezë, ka mbuluar hapësirën përreth dhe është parë edhe nga rruga kryesore dhe fshatrat fqinjë.
Zjarri rrezikon seriozisht kulturat bujqësore të banorëve, por edhe vetë parkun arkeologjik.
Ndërkohë, nga zona e prekur është kërkuar ndërhyrje nga ajri për shuarjen e flakëve.
