Një zjarr i përmasave të mëdha, ka përfshirë zonën pranë fshatit Tërbuq në Gjirokastër, duke rrezikuar të përhapet drejt zonave të banuara të Labovës së Madhe dhe Labovës së Vogël.
Mësohet se zjarri ka nisur nga një automjet në rrugën e fshatit Tërbuq dhe më pas është përhapur me shpejtësi në një sipërfaqe të konsiderueshme me bar dhe shkurre të thata.
Të lidhura
None found
Era dhe bimësia e thatë kanë favorizuar përhapjen e flakëve, duke e bërë të vështirë ndërhyrjen e forcave zjarrfikëse dhe duke rritur rrezikun që zjarri të avancojë drejt fshatrave.
Për përballimin e situatës, në terren është angazhuar i gjithë efektivi i Drejtorisë së MZSH-së Gjirokastër.
Forcat zjarrfikëse po punojnë për izolimin e vatrave të zjarrit dhe për të penguar përhapjen e flakëve në drejtim të Labovës së Madhe dhe Labovës së Vogël.
Situata mbetet në zhvillim, ndërsa vijojnë përpjekjet për vënien nën kontroll të zjarrit.
