Presidenti ukrainas, Volodymyr Zelensky, po akuzon Rusinë se po vepron në mënyrë “të pabesë” pas sulmeve vdekjeprurëse nga dronët dhe raketat “kamikaze”.
Rusia “vret civilët, godet banesat, infrastrukturën”, u shpreh ai në një postim në mediat sociale.
“Sot, si rezultat i sulmit të pushtuesve në një ndërtesë banimi në Kiev, katër persona kanë vdekur tashmë, mes tyre është një familje e re që priste një fëmijë. Terrori duhet të humbasë dhe do të humbasë, dhe Ukraina do të triumfojë”, thekson lideri ukrainas, duke u zotuar të “sjellë para drejtësisë çdo terrorist rus, nga komandantët te privatët që kanë kryer urdhra kriminalë”./albeu.com
