Universiteti Western Balkans ka akorduar 10 bursa të plota studimi për kandidatët ose studentët që do të vijnë nga Ukraina. Këto bursa vlejnë për të gjitha vitet e studimit për të gjithë aplikantët që duan të studiojnë në programet bachelor apo ato të integruara.
Universiteti Western Balkans e ka bërë të ditur njoftimin pikërisht sot në ditën kur Presidenti i Ukrainës do të vizitojë për herë të parë Shqipërinë në kuadër të Samitit që po zhvillohet.
Bursat ofrohen për studentët që kanë përfunduar shkollën e mesme me rezultate të larta ose kanë fituar çmime në olimpiada kombëtare ose ndërkombëtare, konkurse, etj. dhe regjistrohen në një nga programet bachelor ose të integruar në vitin akademik 2024-2025.
10 bursat e studimit që do të jepen për kandidatët apo studentët ukrainas, mbështeten nga Grupi i Spitaleve Amerikaneve dhe Spitalit Hygeia, kompani këto që ofrojnë edhe praktika për studentët që zgjedhin të studiojnë në WBU.
Universiteti Western Balkans është një universitet i cili ofron programe studimi në fushat e mjekësisë, ekonomisë, teknologjisë dhe inovacionit.
