Ish-deputeti i Partisë Demokratike, Ervin Salianji, deklaroi se opozita nuk e zotëron më hapësirën e protestës.
Gjatë një interviste për Klan News, ai tha se Sali Berisha, njësoj si Edi Rama, shmang daljen në shesh për shkak të frikës.
Të lidhura
None found
Sipas Salianjit, kryetari i opozitës druhet se protestuesit mund ta qëllojnë me vezë.
“PD ka humbur sheshin e protestës. Kryetari i opozitës nuk del dot në shesh. Si Rama, edhe ky ka frikë se mos e gjuajnë me vezë. Është rast unik në botë. Çfarë përfaqëson?”, u shpreh ai.
“Pyeteni se çfarë do të bëjë ky për të mundur Ramën”, vijoi Salianji.
Ai argumentoi se largimi i Berishës nga drejtimi i opozitës do të sillte rënien e Edi Ramës brenda dy muajsh, ndërsa qëndrimi i tij në krye do të shërbente si garanci për vazhdimin e pushtetit të kryeministrit.
“Sali Berisha është pengesa që opozita të vijë në pushtet, pavarësisht gjithë këtyre skandaleve. Rama i ka të gjithë bashkëpunëtorët të korruptuar. Sali Berisha, në vend që të dalë në shesh, aq sa të ketë, nuk i frymëzon. Për herë të parë në 35 vite, PD ka humbur sheshin”, deklaroi Salianji.
