Cikloni post-tropikal Ian po godet Karolinën e Jugut në SHBA pasi solli një shkatërrim vdekjeprurës në të gjithë Florida.
Ian u kthye si uragan i kategorisë së parë pranë Georgetoën në orën 14:05 me orën lokale, të premten përpara se të humbiste pak fuqi ndërsa marshonte në brendësi.
Por rreziku nuk ka mbaruar. Përmbytjet parashikohet të vazhdojnë në të gjithë rajonin, përfshirë Florida, për ditë të tëra.
Zyrtarët e urgjencës në Florida njoftuan 21 vdekje që nga mëngjesi i së premtes.
Por një ekspert mjekësor shtetëror duhet të përcaktojë nëse të gjitha viktimat lidhen drejtpërdrejt me stuhinë.
Ian ishte një nga stuhitë më të forta që ka goditur ndonjëherë SHBA-në kur goditi Florida si uragan i kategorisë katër të mërkurën.
Gati 200,000 shtëpi dhe biznese në Karolinën e Jugut ishin pa energji deri të premten në mbrëmje.
Në qytetin Charleston, rreth 80 milje në jug të vendit ku uragani ra në tokë, makinat u panë duke lëvizur nëpër rrugë të përmbytura.
Stuhia po lëviz në veri me erëra maksimale të qëndrueshme prej rreth 50 mph (85 km/h), sipas Qendrës Kombëtare të Uraganeve. Edhe pse Ian u dobësua të premten, është ende i rrezikshëm, thotë NHC./albeu.com
