Një person ka humbur jetën dhe 70 të tjerë rezultojnë të zhdukur pas një rrëshqitje dheu në afërsi të minierës së nefritit në Mianmarin verior, raporton Albeu.com.
Aktualisht në vendngjarje ndodhen grupet e kërkim-shpëtimit, dhe shumica e personave që janë bllokuar nën dhe besohet se janë punëtorë të paligjshëm të minierës.
Kujtojmë se Mianmari është burimi më i madh në botë i nefritit, por minierat e tij kanë regjistruar shumë aksidente përgjatë viteve.
Rrëshqitja e dheut besohet të jetë shkaktuar nga një vërshim i rrënojave të hedhura nga kamionët në minierat e hapura.
Gërmadhat krijojnë shpate të mëdha që mund të jenë të rrezikshme në një zonë të zhveshur nga pemët, duke i detyruar ata që kërkojnë fragmente të gurit gjysmë të çmuar të punojnë në kushte të rrezikshme./albeu.com
