“PO NUK BAN KURR HAJËR SHQIPNIJA, N’SE PADIJA DHE KRENIJA DO TË SHKOJNË NJIT SI TRUPI E HIJA”, SHKROI GJERGJ FISHTA
Kryeministri Edi Rama ka publikuar foton e një protestuesi, duke ironizuar me fjalët: “Paj Zotin shikojeni se kush do ju shpëtojë nga unë”, ndërsa e cilëson atë si një patriot që nuk arrin të lexojë një ligj me 10 nene.
Të lidhura
None found
Më tej, Rama sjell edhe mesazhin e protestuesit, ku thuhet: “…Këta gjakprishur, vijojnë me projekt ligje që vendosin në shitje tokën e shqiptarëve për pushtuesit shqipfolës e të huaj, duke cënuar drejtpërsëdrejti territorialitetin dhe Sovranitetin Kombëtar.
Nuk duhet lejuar në asnjë mënyrë që të kaloj ky ligj antikombëtar, përndryshe përshkallëzim, deri në mos bindje civile.
Deri në frymën e fundit…”
Sipas Ramës, bëhet fjalë për një nga projektligjet që lidhen me procesin e negociatave dhe që, siç shprehet ai, hyn në fuqi 7 vjet pas anëtarësimit të Shqipërisë në Bashkimin Europian. Ai shton se vetëm atëherë toka mund t’u shitet “pushtuesve europianë” në Shqipëri, njësoj siç mund të blihet nga “pushtuesit shqiptarë” në Europë, pasi me hyrjen në BE, sipas tij, Shqipëria do të jetë e madhe sa BE-ja dhe BE-ja do të jetë e vogël sa Shqipëria.
