Presidenti rus, Vladimir Putin ka bërë thirrje për eksportin e energjisë ruse drejt vendeve të lindjes kryesisht Azisë.
Putin paralajmëroi se sanksionet e vendeve evropiane po destabilizonin tregun duke u larguar nga gazi dhe nafta ruse.
“Përpjekjet për të larguar furnizuesit rusë, për të zëvendësuar burimet tona të energjisë me furnizime alternative, do të ndikojnë në mënyrë të pashmangshme në të gjithë ekonominë globale,” tha ai.
Duke folur më herët sot, ai tha se Rusia do të zhvendosë drejtimin e eksporteve të saj “hap pas hapi” në “tregjet me rritje të shpejtë të jugut dhe lindjes”.
Vitin e kaluar, rritja e çmimeve nënkuptonte se të ardhurat nga nafta dhe gazi përbënin 36% të shpenzimeve të qeverisë ruse.
Pjesa më e madhe e këtyre të ardhurave vjen nga Bashkimi Evropian, i cili importon rreth 40% të gazit dhe 27% të naftës nga vendi./albeu.com
