Këtë të mërkurë, opozita ka zhvilluar protestën e radhës para Bashkisë së Tiranës. Gjatë fjalës së tij, ish-deputeti i Partisë Demokratike, Klevis Balliu, komentoi deklaratat e kryeministrit Rama, teksa u shpreh se në zgjedhjet e ardhshme PS, do të marrë rezultatin e votimeve të 1992.
Gjithashtu, ai komentoi dhe rikthimin e Sali Berishës, Balliu tha se demokratëve u tentua t’u imponohej një PD ish-kryeministrin, por ai sot është në krye të këtij formacioni politik.
Të lidhura
None found
“Bashkia Tiranë ka 500 milionë euro në vit buxhet, janë taksat që paguajnë qytetarët. Qytetarët paguajnë taksa dhe kazanët e plehrave nuk pastrohen. Në Tiranë kanceri gjen aleat.
Aleati i kancerit është Erion Veliaj, sepse ndotja e kryeqytetit është realitet kudo, edhe në spitale. Te Lana mban era Veliaj. Tirana sot është qyteti më i ndotur në Europë.
Drejtësia, kur vjen puna tek Veliaj, nuk shikon. Kjo, pasi shikojnë se nuk ka incinerator. Vjedhja e tenderave që bëhet në bashki, nuk bëhet pa kryetarin e Bashkisë. Në Shqipëri nuk ka shëndetësi, shëndetësia është degdisur në gjendje tepër të rëndë. Na thanë se Sali Berishën nuk mund ta kemi kryetar, por sot e kemi kryetar. Për Ramën, që thotë se do kemi rezultatin e 1997, i themi se do marrë rezultatin e 1992, që morën etërit e vet”, u shpreh Balliu ai.
