Një aksident i rëndë ka ndodhur në autostradën Fier–Lushnjë, në afërsi të fshatit Vajkan. Dy makina janë përplasur dhe, pas goditjes, kanë dalë nga rruga duke përfunduar në kanalin anësor.
Katër persona kanë mbetur të plagosur nga përplasja dhe janë dërguar me urgjencë në Spitalin Rajonal të Fierit. Informacionet paraprake bëjnë të ditur se asnjëri prej tyre nuk është në rrezik për jetën.
Të lidhura
None found
Ngjarja ka shkaktuar bllokimin e njërës korsi të autostradës, ndërsa në këtë segment janë krijuar kolona të gjata automjetesh. Aksi ku ndodhi aksidenti është ndër rrugët me fluksin më të lartë gjatë sezonit veror.
Policia ka mbërritur në vendngjarje dhe po heton për të përcaktuar shkaqet dhe rrethanat e plota të aksidentit. Paralelisht, po punohet për rikthimin e qarkullimit normal në zonë.
