Makina e policisë përplas 55-vjeçarin me biçikletë në Tiranë, dërgohet në spital

Një aksident ka ndodhur ditën e sotme në rrugën “Myslym Keta” në Tiranë. Një makinë policie është përplasur me një biçiklist me iniciale A. G., rreth 55 vjeç, i cili po dërgohet në spital, për të marrë ndihmë mjekësore.

Njoftimi i policisë:

Tiranë/Informacion paraprak

Në rrugën “Myslym Keta” mjeti me drejtues shtetasin P. N. (punonjës policie) pjesë e grupit të kontrollit të territorit, është përplasur me një biçiklist me iniciale A. G., rreth 55 vjeç, i cili po dërgohet në spital, për të marrë ndihmë mjekësore.

Grupi hetimor ndodhet në vendngjarje dhe po punon për sqarimin e rrethanave të aksidentit./albeu.com

Shtuar 22.07.2021 16:39