Presidenti francez, Emmanuel Macron, i ka kërkuar qeverisë izraelite që “të shmangë çdo sjellje” që mund të çojë në “përshkallëzim”, “veçanërisht në Liban”, pas sulmit që i atribuohet Izraelit në Bejrut, ku u eliminua komandanti i dytë i Hamasit, tha ai.
Ai foli me telefon me ministrin izraelit Benny Gantz, një anëtar i qeverisë së Benjamin Netanyahut gjatë kohës së luftës, theksoi se ishte “e nevojshme të shmanget çdo sjellje që mund të çojë në përshkallëzim, veçanërisht në Liban”
Të lidhura
None found
Numri dy i Hamasit, Saleh al-Aruri, u eliminua në një sulm që i atribuohet Izraelit në një periferi të Bejrutit, njoftoi lëvizja islamike palestineze dhe burime pranë autoriteteve libaneze.
Kjo ishte hera e parë që nga shpërthimi i luftës në Rripin e Gazës, pothuajse tre muaj më parë që një sektor i kryeqytetit libanez u vu në shënjestër.
“Ky krim nuk do të mbetet pa përgjigje apo pa u ndëshkuar”, tha fraksioni i Hezbollahut libanez, një aleat i Hamasit.
Kryeministri i Libanit, Najib Mikati, nga ana e tij, akuzoi Izraelin se po përpiqet të tërheqë Libanin në “fazën e re të konfliktit”.
Gjatë bisedës së tij me Benny Gantz, Emmanuel Macron bëri thirrje për një përpjekje për të shpallur një “armëpushim të përhershëm” midis Izraelit dhe Hamasit, “me ndihmën e të gjithë partnerëve rajonalë dhe ndërkombëtarë”, gjatë presidencës franceze.
Ai rishprehu gjithashtu, “shqetësimin e tij shumë të fortë përballë numrit veçanërisht të rëndë të viktimave midis civilëve dhe situatës së krizës humanitare në Gaza”, ndërsa ripohoi edhe një herë “angazhimin e Francës për sigurinë e Izraelit”
