Lëvizte me kallashnikov në qytet, arrestohet 44-vjeçari i rrezikshëm në Durrës

Policia ka arrestuar një 44-vjeçar në Durrës, i cili lëvizte në qytet me armë zjarri kallashnikob. 44-vjeçari me iniciale A. R., është person me precedent  kriminal në fushën e narkotikëve dhe krimeve ndaj personit.

Njoftimi i policisë:

Durrës

Policia parandalon një ngjarje të mundshme kriminale.

Lëvizte me armë zjarri kallashnikov në qytet, lokalizohet dhe prangoset nga policia 44-vjeçari me precedent  kriminal në fushën e narkotikëve dhe krimeve ndaj personit.

Sekuestrohen një armë zjarri dhe 29 fishekë luftarak.

Në vijim të punës për parandalimin e ngjarjeve kriminale, kapjen e personave që qarkullojnë me armë zjarri apo me lëndë narkotike, falë edhe bashkëpunimit me qytetarët, specialistët për Hetimin e Krimeve në Komisariatin e Policisë Durrës arrestuan në flagrancë shtetasin A. R., 44 vjeç, banues në Durrës.

Në bazë të informacioneve të siguruara në rrugë operative se një shtetas lëvizte me armë zjarri automatik në qytet, shërbimet e Policisë menjëherë kanë organizuar punën dhe në lagjen nr. 17, Durrës, kanë bërë të mundur lokalizimin dhe prangosjen e 44-vjeçarit A. R., i cili mbante poshtë xhupit një armë zjarri kallashnikov me një krehër me 29 fishekë.

Materialet i kaluan Prokurorisë së Rrethit Gjyqësor Durrës, për veprime të mëtejshme./albeu.com

Shtuar 24.05.2021 16:39