Prej mesditës së djeshme, një vatër zjarri është regjistruar që në landfillin e Bushatit, duke angazhuar disa forca zjarrfikëse nga zona të ndryshme të vendit.
Nënkryetari i bashkisë Vau i Dejës, Elvis Preçi, bëri të ditur se në operacion janë përfshirë shërbimet zjarrfikëse nga Shkodër, Lezhë, Kamëz dhe Tiranë.
Të lidhura
None found
Sipas tij, përhapja e flakëve është favorizuar nga era, duke e bërë më të vështirë vënien nën kontroll të situatës.
Ai theksoi se zjarri nuk dyshohet të jetë i qëllimshëm, bazuar edhe në verifikimet e kryera përmes kamerave të sigurisë në zonë.
Preçi siguroi se deri më tani nuk ka rrezik për banesat përreth, ndërsa shprehu optimizëm se gjatë ditës së sotme do të bëhet e mundur shuarja e plotë e flakëve.
“Gjatë mesditës së djeshme është marrë njoftim për një vatër zjarri në landfillin e Bushatit. Në operacion morën forcat e Vaut të Dejës, të Shkodrës, të Lezhës, të Kamzës, Tiranës. Si pasojë e erës u përhap më shumë zjarri. Zjarri nuk ka qenë i qëllimshëm, sipas edhe këqyrjes së kamerave të sigurisë. Nuk rrezikohen banesa. Shpresojmë që sot të bëhet e mundur shuarja e zjarrit”, tha ai.
