Kreu i inteligjencës ukrainase: Rrethi i ngushtë i Putinit po bashkëpunon me ne, Rusia do të dështojë

Kreu i Drejtorisë Qendrore të Inteligjencës të Ministrisë së Mbrojtjes, Kirill Budanov, ka pretenduar se njerëz të rrethit të ngushtë të Valdimir Putinit bashkëpunojnë me shërbimet e inteligjencës të Ukrainës.

Ai gjithashtu ka  shprehur besimin se pavarësisht përpjekjeve, Rusia do të dështojë.

Budanov  nuk dha as emrat dhe as numrin e agjentëve në mjedisin e presidentit rus që bashkëpunonin me ta.

“Meqenëse situata në Federatën Ruse në fakt po përkeqësohet çdo ditë, po bëhet më e lehtë çdo ditë të gjesh njerëz të gatshëm për të bashkëpunuar”, tha kreu i shërbimit të inteligjencës ukrainase.

Rusia ka synime ambicioze për një ofensivë të madhe, por ajo do të dështojë , shtoi Budanov.

Kur u pyet për ekzistencën e garancive që agjentët nuk po mashtrojnë palën ukrainase, ai u përgjigj: ” Epo, kjo kontrollohet shumë lehtë. Ne nuk besojmë në fjalë, por vetëm në fakte”.

“Rusia do të detyrohet të tërheqë trupat e saj”, tha zyrtari ukrainas.

Në një intervistë tjetër për gazetën franceze “Le Monde”, Budanov pohoi se Rusia do të detyrohet të tërheqë së shpejti trupat e saj nga territori i Ukrainës.

Në të njëjtën kohë, kreu i shërbimeve sekrete ukrainase tha se nga konflikti publik midis ministrit rus të Mbrojtjes Sergei Shoigu dhe themeluesit të organizatës paraushtarake Wagner, Yevgeny Prigozhin, përfiton Kievi.