Rudolf Nikolli, i cili plagosi me thikë pesë besimtarë në xhaminë “Dine Hoxha” është lënë në burg.
Prokuroria ka theksuar se Nikollaj ka marrë mjekime, ndërsa është marrë edhe kartela e tij.
Ai tregon se prej kohësh kurohej, por gjithashtu thotë se herën e fundit nuk i ka marrë ilaçet.
“Përndjekja është e vërtetë. Ato mendojnë se jam jomysliman dhe më kanë përndjekur. Nëse këto persona i paraqitni këtu unë i njoh me fytyra që më kanë përndjekur. Nuk është se më kanë bërë ndonjë gjë, por përndjekja ka qenë e vazhdueshme, për gati një vit. Unë nuk desha të bëja atë gjë që bëra, por përndjekja nuk është normale.”, tha 34-vjeçari.
Pyetje: Në spital ke qenë?
Nikolli: Po kam qenë.
Pyetje: Ke marrë mjekime, sa ke qëndruar?
Nikolli: Po i kam marrë. Kam qëndruar tre javë herën e fundit.
Kisha raste që harroja t’i pija ilaçet dhe atë ditë nuk i kisha pirë. Ilaçet i merrja vetë. Unë kam qenë në Tiranë, vëllai ka qenë në Klos.
Pyetje: Të ka thënë dikush që të përndiqnin, apo e ke menduar vetë?
Nikolli: Jo nuk më ka thënë njeri e kam menduar vetë. /abcnews.al/
